«Ժողովրդավարության հայկական դպրոցը» հայտարարում է Քաղաքական ամառային դպրոցի ընդունելություն

Աշխարհքաղաքական գործընթացները և մեր տարածաշրջանում տեղի ունեցող արմատական փոփոխությունները ստեղծում են անվտանգային գոյաբանական մարտահրավերներ Հայաստանի
Հանրապետության համար։ Այս իրադրությունը պարտադրում է հայ երիտասարդությանն ինքնության պահպանման և կենսունակության երաշխավորման նկատառումներով վերաիմաստավորել սեփական տեղն ու դերը, ինչպես նաև պետության արդիականացման և հանրային քաղաքականության իրականացման տրամաբանությունն ու արժեքաբանությունը։

Դասընթացի նպատակն է՝ փոխանցել համակարգային պատկերացում Հայաստանի պատմաքաղաքական անցյալի, ներկայի և ապագայի վերաբերյալ՝ նպաստելով ունկնդիրների շրջանում քննադատական մտածողության ձևավորմանը, ինչպես նաև հնարավորություն տալով մասնակցել ՀԱՅԿԱԿԱՆ ՊԵՏՈՒԹՅԱՆ տեսլականի ձևավորմանը։

Դասընթացը ներառում է նաև ճանաչողական արշավներ։

Դասընթացի շրջանակներում դուք կկարողանաք՝

• ստանալ խորքային պատկերացում Հայաստանի երեք Հանրապետությունների պատմաքաղաքական զարգացման մասին
• վերլուծել ՀՀ-ի հետխորհրդային ժամանակաշրջանի քաղաքական և սոցիալական փոփոխությունները
• հասկանալ արդի աշխարհակարգը և Հայաստանի դերը միջազգային հարաբերություններում
• դիտարկել Սփյուռքի տեղն ու դերը պետականաշինության համատեքստում
• ձևավորել տեսլական քաղաքական ճգնաժամի հաղթահարման և հայկական պետության ապագայի վերաբերյալ

Կարող են դիմել բոլոր նրանք, ովքեր՝

• ունեն բարձրագույն կրթություն կամ սովորում են ՀՀ ԲՈՒՀ-երում
• հետաքրքրված են հասարակական-քաղաքական գործընթացներով և ցանկանում են խորացնել իրենց գիտելիքներն ու փորձը

📃 Դասընթացի ավարտին մասնակիցները կստանան ավարտական վկայականներ։

💸 Մասնակցությունն անվճար է։

🗓 Հայտադիմումներն ընդունվում են մինչև հունիսի 15-ը։

📝 Դպրոցի ընդունելությունը կատարվում է 2 փուլով։ Հայտադիմումների փուլը հաղթահարած դիմորդները կհրավիրվեն հարցազրույցի։

⏰ Մեկնարկը՝ հունիսի 23-ից։ Դասընթացի տևողությունը 1 ամիս է։

📍 Դասերը տեղի կունենան «Ժողովրդավարության հայկական դպրոցում» շաբաթական 2 օր` երկուշաբթի և հինգշաբթի օրերին, ժամը 19։00-20։30-ը (հասցե՝ Այգեստան թաղամաս, Միքայել Չայլախյան 65/1)։

«Ժողովրդավարության հայկական դպրոցը» հայտարարում է Քաղաքական դասընթացի 4-րդ հոսքի ընդունելություն

Նոր աշխարհակարգի և քաղաքակրթական բևեռների ձևավորումը, ինչպես նաև տարածաշրջանային արմատական փոփոխությունների հետևանքով Հայաստանի Հանրապետության անվտանգային և գոյաբանական սպառնալիքների անմիջական առկայությունը պարտադրում է հայ հասարակությանը ինքնության պահպանման և կենսունակության երաշխավորման նկատառումներով վերաիմաստավորել պետության արդիականացման և հանրային քաղաքականության իրականացման տրամաբանությունն ու արժեքաբանությունը։

Գիտավերլուծական հարացույցի շրջանակներում տրամադրված համակարգային գիտելիքները թույլ կտան, հաշվի առնելով ազգային առանձնահատկությունները, խորապես վերաիմաստավորել և վերաարժևորել ինչպես անցյալն ու ներկան, այնպես էլ ապագան, ինչպես նաև մասնակցել ՀԱՅԿԱԿԱՆ ՊԵՏՈՒԹՅԱՆ տեսլականի վերջնական ձևավորմանը։

Դասընթացի շրջանակներում ունկնդիրները հնարավորություն կունենան․

• ստանալ համապարփակ գիտելիքներ Հայաստանի երեք Հանրապետությունների և դրանց պատմաքաղաքական էվոլյուցիայի վերաբերյալ
• խորքային վերլուծության ենթարկել Հայաստանի Հանրապետության հետխորհրդային կերպափոխումների ընթացքը, տրամաբանությունը և միջազգային ինտեգրացիան
• պատկերացում կազմել արդի աշխարհակարգի և դրանում Հայաստանի Հանրապետության տեղի և դերի վերաբերյալ
• դիտարկել պետականաշինության համատեքստում հայկական Սփյուռքի տեղը ու դերը, ինչպես նաև նետված մարտահրավերները և հնարավորությունները
• ձևավորել տեսլական ստեղծված քաղաքական զարգացման ճգնաժամի հաղթահարման հնարավոր ուղիների և ՀԱՅԿԱԿԱՆ ՊԵՏՈՒԹՅԱՆ ապագայի մոդելավորման վերաբերյալ։
• «Ժողովրդավարության հայկական դպրոց» կարող են ընդունվել բոլոր նրանք, ովքեր՝
• ունեն բարձրագույն կրթություն կամ սովորում են բարձրագույն ուսումնական հաստատությունում
• ունեն հասարաքաղաքական և պետական կառավարման վերաբերյալ հետաքրքրություններ, ինչպես նաև մեծ ցանկություն հարստացնելու սեփական փորձը և գիտելիքները։

Դասընթացը հաջողությամբ ավարտած ունկնդիրներին կտրամադրվեն ավարտական վկայականներ։

Դպրոցի ընդունելությունը կատարվում է 2 փուլով։

Հայտադիմումների փուլը հաղթահարած դիմորդները կհրավիրվեն հարցազրույցի։

Պետության ապագային միտված երկարաժամկետ և ռազմավարական քայլերի իրականացման ինչպես նաև արտաքին մարտահրավերներին համարժեք պատասխանելու կարողությունը ենթադրում է ոչ միայն մարտահրավերի, այլև մարտահրավերը նետողի վերաբերյալ խորքային ճանաչողություն։

Ճանաչողության նախապայման է լեզվի և լեզվամտածողության տիրապետումը, համակողմանի գիտելիքների առկայությունն ու վերլուծական մեխանիզմների կիրառությունը, ինչի արդյունքում հնարավոր է բարձրացնել թշնամի պետության կողմից վարվող արտաքին քաղաքական գործընթացների կանխատեսելիությունը։

ԱԴՐԲԵՋԱՆԵՐԵՆԻ դասընթացներն անցկացվում են փուլային եղանակով:

Երեք փուլից բաղկացած դասընթացներից յուրաքանչյուրի տևողությունը 3 ամիս է։

1-ին և 2-րդ փուլերում ունկնդիրները ստանում են՝ ադրբեջաներենի տեսական գիտելիքներ

3-րդ փուլում ադրբեջաներենի գործնական կիրառությանը զուգահեռ ուսումնասիրում են Ադրբեջանի`

• Ստեղծման հանգամանքները
• Արդի գործընթացները
• Քաղաքական համակարգի դասավորվածությունը
• Հայատյացության դրսևորումները
• Ծանոթանում են
• Ադրբեջանական մեդիադաշտի համապատկերին
• Սոցիալ-տնտեսական և հասարաքաղաքական զարգացումներին

Բոլոր փուլերը հաղթահարած լավագույն շրջանավարտները կունենան պրակտիկայի հնարավորություն։

Դպրոցն ունի 150-ից ավել շրջանավարտ։